Sérferðir - Menning og afslöppun í Andalúsíu -með höfundi bókarinnar Elsku sólir
Menning og afslöppun í Andalúsíu -með höfundi bókarinnar Elsku sólir
Ekki hægt að bóka
Því miður er engin gisting í boði fyrir umbeðinn fjölda farþega
Innifalið í verði:

 

Flug, skattar, 20 kg taska og 8 kg handfarangur. 

Gist er á fjögurra stjörnu hótelum. 2 nætur á Barceló Carmen (Granada) m/morgunverði, 2 nætur á Silken Al Andalus (Sevilla) m/morgunverði, 3 nætur á Catalonia Reina Victoria (Ronda) og 3 nætur á MS Maestranza (Malaga) m/morgunverði. 

Aðgangseyrir í Alhambra (dagur 2)

Hádegisverður á Silken Al Andalus (dagur 3)

Kynnisferðir með fararstjóra í Granada, Sevilla, Ronda og Malaga (gönguferðir)

Akstur samkvæmt ferðalýsingu. 

Ath. Ekki er ferðast um Sevilla í rútu eftir að komið er á hótel Al Andalus, en mögulega er notast við strætisvagnakerfi borgarinnar (fargjald ekki innifalið).

Íslensk fararstjórn á meðan á allri ferðinni stendur sem er hópnum innan handar og segir farþegum frá ýmsum fróðleik um sögu og menningu Spánar í rútuferðunum.

Ekki innifalið í verði:

 

Aðgangseyrir í söfn, strætisvagna eða annað sem ekki er tekið fram í ferðalýsingu. 

Það sem ekki er tekið fram í listanum yfir „innifalið“.

Ferðalýsing

 

 

Ása Marin fararstjóri þessarar ferðar ætlar að kynna fyrir okkur svæðið og borgirnar sem verða heimsóttar. Hún hefur m.a. verið fararstjóri í gönguferðinni Hvítu þorpin en einnig í fjölmörgum öðrum ferðum á vegum Heimsferða. Ása Marin er rithöfundur og í nýjustu skáldsögu hennar Elsku sólir fara sögupersónur einmitt um þá staði sem heimsóttir verða í þessari ferð. Kynningin er rafræn, í máli og myndum og er hægt að horfa á hana hér:

 

https://us06web.zoom.us/meeting/register/tZIof-6trT4qHd1kADlk01K4ewHVjD8UGMM4

 

Andalúsía á sér langa sögu og borgir héraðsins bera þess merki. Þröngar götur, gamlar byggingar og einstakur arkitektúr endurspegla ríka söguna. Ekki er verra að veðrið er nánast alltaf gott á þessum slóðum. Í þessari ferð ætlum við að kynna okkur fallegar borgir og staði í Andalúsíu héraði. Gist er í Granada í 2 nætur á Barceló Carmen Granada sem er vel staðsett í miðbænum. Því næst er gist í Sevilla í 2 nætur á hótelinu Silken Al Andalus. Gist er í bænum Ronda í 3 nætur á fjögurra stjörnu hóteli sem heitir Catalonia Reina Victoria. Síðustu 3 næturnar er gist í Malaga borg á hótelinu MS Maestranza en þaðan er stutt að fara á ströndina. Öll hótelin eru fjögurra stjörnu hótel með sundlaug til að svala sér og þá er morgunverður innifalinn á öllum hótelunum. Frábær ferð fyrir þá sem vilja kynna sér menningu og sögu þessara borga en einnig að njóta matar, drykkjar og góðs veðurs í fallegu umhverfi.