Stórkostleg 8 nátta golfferð til Taghazout í Morokkó.  Bærinn Taghazout er staðsettur u.þ.b. 16 km norður af Agadir en þetta svæði er í miklilli uppbyggingu.  Dvalið á 4 stjörnu Hyatt Place Taghazout sem staðsett er nálægt ströndinni og alveg við golfvöllinn í  Taghazout .  Dvalið í herbergjum með  hliðarsjávarútsýni.  Góð sameiginleg aðstaða er á hótelinu, fallegur garður og góð sundlaug.  Veitingastaður, lítil verslun og skemmtilegur bar.
Í þessum pakka eru innifaldir 4 hringir á Taghazout vellinum og 3 hringir á Golf du Soleil.  Akstur á milli hótelsins og á Golf du Soleil er innifalinn.  Taghazout golfvöllurinn er í göngufæri frá hótelinu.  Akstur til og frá flugvelli í Agadir er innifalinn.

Taghazout bærinn er skemmtilegt ósnert fiskimannaþorp þar sem mannlífið er afar fjölbreytt og afslappað. Meðfram strandgötunni í bænum sjálfum er fjöldinn allur af veitingahúsum. Héðan tekur um það bil 8-10 mínútur að fara með leigubíl frá hótelinu inn í þorpið. Heimamenn bjóða einnig upp á ferð með úlföldum á ströndinni til og frá bænum.